Algengar spurningar

Hljómey er tónlistarhátíð þar sem heimili og fyrirtæki í Vestmannaeyjum opna stofurnar sínar fyrir tónlistarfólki og gestum. Hverjir tónleikar standa í hálftíma. Gestir velja sína eigin leið um bæinn og framvísa armböndum, og flestir listamenn spila tvisvar yfir kvöldið, hvor í sínu húsinu.

Hljómey er alltaf haldin daginn eftir sumardaginn fyrsta. Næsta hátíð er föstudaginn 23. apríl 2027. BarnaHljómey er í hádeginu sama dag og Hljómey Xtra á laugardagskvöldinu.

Hátíðin er alltaf sett í Landsbankanum kl. 16:00. Tónleikarnir í húsunum hefjast kl. 19:30 og standa til miðnættis. Hátíðinni lýkur alltaf fyrir utan Brothers Brewery með samsöng og brennu.

Já, aldurstakmark á Hljómey er 18 ár. BarnaHljómey er hins vegar fyrir börn og fjölskyldur og ókeypis.

Í heimahúsum og fyrirtækjum í miðbæ Vestmannaeyja. Húsin eru kynnt þegar nær dregur og birtast á dagskránni og í Hljómey-appinu með heimilisfangi og korti.

Listamennirnir eru kynntir einn í einu á vefnum, á samfélagsmiðlum og á póstlistanum. Á hverri hátíð spila um 15 listamenn í um 15 húsum. Á síðunni Listamenn sérðu alla sem hafa spilað frá upphafi.

Hljómey Xtra er sérstakur viðburður haldinn á laugardagskvöldinu á Hljómey helginni, í Alþýðuhúsinu. Hann er aðeins haldinn ef við finnum eitthvað einstakt sem Vestmannaeyjar fá sjaldan að upplifa. Við getum staðfest að Hljómey Xtra verður haldin 2027. Miðar á Xtra eru seldir sérstaklega.

BarnaHljómey er ókeypis skemmtun fyrir börn og fjölskyldur í hádeginu á sjálfan Hljómey daginn, í samstarfi við Vestmannaeyjabæ og hluti af Barnamenningardögum Suðurlands.

Miðar eru seldir með forskráningu og útdrætti á hljomey.is/midasala. Fyrir Hljómey 2027 opnar forskráning 5. febrúar 2027 kl. 12 og er opin í viku. Það skiptir engu hvenær á tímabilinu þú skráir þig. Þegar forskráningu lýkur er dregið af handahófi og vinningshafar fá greiðsluhlekk í tölvupósti.

Gestir fyrri ára fá einn aukamiða í hattinn, þ.e. tvöfalt vægi í útdrættinum, ef þeir skrá sig með sama netfangi eða símanúmeri og þeir keyptu miða með áður.

Vinningshafar þurfa að greiða innan þess frests sem kemur fram í tölvupóstinum. Sé ekki greitt innan frestsins fara miðarnir til næstu á biðlista.

Hver miði hefur sinn eigin QR-kóða sem gildir fyrir eitt armband. Þú framvísar kóðanum við armbandaafhendingu á Hljómey, úr tölvupóstinum, Hljómey-appinu eða símaveskinu (Apple Wallet eða Google Wallet).

Já, þú mátt gefa miðana þína öðrum og getur sent einstaka miða áfram af miðasíðunni þinni. Endursala á hærra verði en greitt var er óheimil.

Armbandið veitir aðgang að tónleikum hátíðarinnar meðan húsrúm leyfir í hverju húsi. Þar sem flestir listamenn spila tvisvar er yfirleitt hægt að ná þeim sem maður vill sjá.

Ferjan Herjólfur siglir á milli lands og Eyja. Ekki er flogið til Eyja á þessum árstíma, svo bókaðu ferjuna tímanlega, því margir koma til Eyja um Hljómeyjarhelgina.

Á vef Visit Vestmannaeyjar er listi yfir gistingu í Eyjum. Það borgar sig að bóka snemma.

Já, Hljómey-appið er ókeypis. Þar sérðu listamennina, setur saman þitt eigið kvöld í Mín Hljómey, finnur húsin á kortinu og geymir miðann þinn.

Hljómey er óhagnaðardrifið samfélagsverkefni, unnið af fólki í Vestmannaeyjum. KGBS ehf. heldur utan um reksturinn og það sem eftir verður fer aftur í næstu Hljómey.

Á leikir.hljomey.is eru ókeypis tónlistarleikir allt árið: pöbbkviss, tónlistarbingó, bingó, gítarpartý, karaoke og „Hvaða ár?“. Stóri skjárinn spilar og síminn er svarhnappurinn.

Sendu okkur línu á hljomey@hljomey.is eða skrifaðu okkur á Facebook.