Skilmálar vefverslunar

1. Seljandi

KGBS ehf., kt. 630625-1300, Vestmannabraut 11, 900 Vestmannaeyjar.

Netfang: hljomey@hljomey.is · Sími: 849 1826.

Seljandi er ekki á virðisaukaskattsskrá og innheimtir ekki virðisaukaskatt.

2. Verð og greiðsla

Öll verð eru í íslenskum krónum. Sendingarkostnaður birtist áður en gengið er frá pöntun og bætist við verð vörunnar ef varan er send.

Greitt er með greiðslukorti á öruggri greiðslusíðu greiðsluþjónustunnar Rapyd. Kortaupplýsingar fara aldrei um vef Hljómeyjar og seljandi sér þær ekki.

Pöntun er bindandi þegar greiðsla hefur borist. Kaupandi fær kvittun á vefnum að greiðslu lokinni. Seljandi áskilur sér rétt til að hætta við pöntun, t.d. ef vara er uppseld eða verð rangt skráð, og endurgreiðir þá að fullu.

3. Afhending

• Sótt á Vestmannabraut 11 í Vestmannaeyjum eftir samkomulagi. Seljandi hefur samband við kaupanda og finnur hentugan tíma. Ekkert gjald.
• Sent með Póstinum heim að dyrum, á pósthús eða í Póstbox sem kaupandi velur. Sendingarverð er verð Póstsins miðað við póstnúmer og þyngd og kemur fram áður en greitt er. Kaupandi fær sendingarnúmer til að fylgjast með pakkanum.

Vörur eru að jafnaði sendar af stað innan 3–5 virkra daga frá greiðslu. Dragist afhending lengur lætur seljandi kaupanda vita. Áhættan af vörunni flyst til kaupanda þegar hann eða sá sem hann tilnefnir tekur við henni.

4. Réttur til að falla frá kaupum (14 dagar)

Samkvæmt lögum nr. 16/2016 um neytendasamninga má kaupandi hætta við kaupin án þess að gefa upp ástæðu innan 14 daga frá því að hann, eða þriðji aðili sem hann tilnefnir, tók vöruna í sína vörslu.

Til að nýta réttinn þarf kaupandi að láta seljanda vita með skýrri yfirlýsingu, t.d. með tölvupósti á hljomey@hljomey.is, áður en fresturinn rennur út. Nota má eyðublaðið hér fyrir neðan en það er ekki skylda.

Kaupandi skal skila vörunni eða afhenda hana á Vestmannabraut 11 án ástæðulausrar tafar og eigi síðar en 14 dögum eftir að hann tilkynnti seljanda um ákvörðun sína. Kaupandi ber beinan kostnað af því að skila vörunni.

Seljandi endurgreiðir allar greiðslur, þar með talinn venjulegan sendingarkostnað, eigi síðar en 14 dögum eftir að honum barst tilkynningin. Endurgreitt er inn á sama greiðslukort og notað var nema um annað sé samið. Seljandi má halda eftir endurgreiðslu þar til varan hefur borist honum eða kaupandi hefur sýnt fram á að hún hafi verið send.

Kaupandi ber ábyrgð á rýrnun á verðgildi vörunnar sem stafar af annarri meðferð en þarf til að kanna eðli hennar, eiginleika og virkni. Varan skal skilast óskemmd og helst í upprunalegum umbúðum.

Rétturinn til að falla frá kaupum á ekki við um vörur sem eru framleiddar eftir forskrift kaupanda eða sérsniðnar að þörfum hans.

5. Eyðublað til að falla frá samningi

Fylltu út og sendu þetta eyðublað aðeins ef þú vilt falla frá samningnum.

6. Gallar og kvartanir

Reynist vara gölluð á kaupandi rétt samkvæmt lögum nr. 48/2003 um neytendakaup, m.a. til úrbóta, nýrrar afhendingar, afsláttar eða riftunar. Kaupandi skal tilkynna seljanda um galla innan hæfilegs tíma eftir að hann varð hans var. Lokafrestur til að kvarta undan galla er tvö ár frá því að kaupandi tók við vörunni.

Kvartanir og fyrirspurnir sendast á hljomey@hljomey.is eða í síma 849 1826. Seljandi svarar eins fljótt og auðið er.

7. Ágreiningur

Komi upp ágreiningur reyna aðilar fyrst að leysa hann sín á milli. Takist það ekki getur kaupandi leitað til Kærunefndar vöru- og þjónustukaupa, sem fjallar um ágreining neytenda og seljenda utan dómstóla, eða til Neytendastofu.

Um skilmálana gilda íslensk lög. Rísi mál vegna þeirra skal reka það fyrir Héraðsdómi Suðurlands, nema lög kveði á um annað varnarþing neytanda í hag.

8. Persónuupplýsingar

Um meðferð upplýsinga sem kaupandi gefur upp við pöntun fer samkvæmt persónuverndarstefnu Hljómeyjar.