Listamenn 2026
Tónlistarmenn eru kynntir einn í viku fram að hátíðinni á facebook síðu hátíðarinnar – hér má sjá þá listamenn sem þegar hafa verið tilkynntir..
Tónlistarmenn eru kynntir einn í viku fram að hátíðinni á facebook síðu hátíðarinnar – hér má sjá þá listamenn sem þegar hafa verið tilkynntir..
Páll Óskar – poppkonungur Íslands þarf ekki að kynna fyrir nokkru íslensku barni. Páll Óskar á plötu ársins 2025 og lag ársins á rás 2, með Benna Hemm Hemm. Hann hefur gefið út hvern hittara á eftir öðrum sl. tvo áratugi og er enn í toppformi.
Sigurður er einstakur tónlistarmaður með hlýjan hljóm og frábær lög. Sigurður er ma. meðlimur Hjálma, Baggalúts, GÓSS og hefur gefið út ótal lög sem við öll elskum. Við erum ekkert smá stoltir af því að Sigurður vilji heiðra okkur með sinni nærveru og smellpassar inn í Hljómey.
Kristmundur Axel er íslenskur rappari sem hefur verið lengi í senunni. Hann hefur verið að gera sig sérstaklega gildandi undanfarið ár og gaf ma. út lagið Blágræn með GDRN sem hefur verið eitt vinsælasta lagið á Íslandi undanfarna mánuði. Kristmundur er stútfullur af talent og við trúum því að hann eigi eftir að verða risastór. Við erum þakklátir að fá Kristmund á Hljómey í ár!
Bríet er ein skærasta og áhrifamesta rödd íslenskrar popptónlistar síðustu ára. Bríet er ekki bara söngkona, heldur lagahöfundur og performer.
Bríet kom óvænt fram á fyrstu Hljómey og höfum við alla tíð síðan fundið fyrir miklum áhuga, bæði frá okkur og henni um að endurtaka leikinn. Bríet er risastórt!
Guðlaug Sóley, betur þekkt sem Gugusar, ætlar að gera sér ferð frá Danmörku, þar sem hún býr núna, til þess að koma fram á Hljómey í ár. Gugusar er ungt hæfileikabúnt og er þekkt fyrir stórkostlega sviðsframkomu.
Hljómey er óhagnaðardrifið samfélagsverkefni. Ætlunin er að skapa viðburð sem lengir ferðamannatímabilið í Vestmannaeyjum og býr til vettvang fyrir allt það frábæra tónlistarfólk sem býr á Eyjunni. Ætlunin er að gera viðburðinn árlegan.